GAVOI
Est costruidu in candidu granitu
Circundadu de montes e collinas;
Li dat su Gennargentu arias finas,
Cun s'orizzonte vastu ed infinitu.
Abbas perennes, puras, cristallinas
Cun su piscadu raru, isquisitu,
Riccu d'armentos, de frutturas situ
Laboriosas finas sas feminas.
Cun sos Nuraghes e Domos de jana
S'artisticu rosone e campanile
Ti mostrat s'arte antiga e sa pisana.
Affettuosa a s'istranzu e gentile
Ricca de giuventude allegra e sana
Meda attaccada e su modernu istile.
Francesco Sedda Coanu
|