GAVOI
AI <<Solitario di Barbagia>>. Lodine.
Est collocada in logu solianu,
Cun abbas puras, friscas, cristallinas.
De onestade distinta hat sas femmėnas
Chi paren tantos frores de beranu.
Fin'a su sero da bonu manzanu
Cuntentos disimpegnan sas fainas,
In terras paris e terras costinas,
Sos massajeddos suos fittianu.
Faghet furesi, brillas e isprones;
Hat bellu bestiamene e basolu,
Patata, cariasa, pira e nughe.
A tantas biddas est esempiu e lughe;
E a sos cazzadores dat consolu
Cun sos suos padentes e sirbones.
Gavoi, marzo 1915
Salvatore Canio |