‘A minnitta d’u sangu di LioTomarchio (Giarre-CT)         ‘U sangu d’u so sangu fa minnitta (1) quantu è atruci ‘sta parola brutta quantu figghi viulintati di li patri quantu matri ammazzati di li figghi      A’ lu celu s’adumbra a ‘stu vardari e lu mo cori si torci di duluri ‘stu malu fattu la cruci va ‘mmustrari unni minnitta si fici d’u Signuri      Non si rispira lu pettu accupa senza sustegnu mentri ‘nta l’omu sempri cchiù crisci siti di sangu tra frati guerra e fami signa semi di Cainu l’eguismu svampa focu e lu soddu(2) è suvranu      E li figghi ammazzunu a cu’ a ‘sta fitusa sucietà li desi e li patri li schiavizzunu facennuci mali cosi ‘Sta minnitta di sangu a sangu chi bruttura di lu celu chiovi lacrima di pena      Comu su’ tagghiu comu su’ focu ‘st’atruci pinzeri quali raggiuni quali rimediu si po’ truvari li mo suspiri li mo canzuni non hannu putiri ‘mmenzu la strata ‘n facci e lu ventu li vaju a ghittari      Svampa lu virdi ‘nta lu rispiru di la primavera tu ala janca signi l’azzurru ca su culura Matri Muntagna abbruciami tu ‘st’atruci pinzeri e tu chiara unna lava ‘u duluri di lu mo cori. ____ (1) Minnitta: vendetta; (2) Soddu: denaro