TESTI DI "BRÈVA & TIVÀN"
PULÈNTA E GALÈNA FRÈGIA
Pulènta
e galèna frègia e un fantasma in söe la veranda
barbèra
comè petrròli e anca la löena me paar che sbànda…
cadrèga
che fa frecàss e bùca vèrta che diis nagòtt
dumà
la radio sgraffigna l’aria e i pensee fànn un gran casòtt…
L’è
mea vèra che nel silenzio dorma dumà la malincunìa
l’è
mea vèra che un tuscanèll l’è mea bòn de fa una puesìa
in
questa stanza senza urelògg, bàla la fata e bàla la stria
in
questu siit senza la lüüs…che diis tücoos l’è dumà l’umbrìa…
E
scùlta el veent che pìca la pòrta
cun
in cràpa una nìgula e in bràsc
una sporta
el
diis che g’ha deent un bel regàal
me
sa che l’è el sòlito tempuraal…
E
scùlta i spiriti e scùlta i fulètt
che
rampèghen söel müür e sòlten föe del cassètt
g’hann
söe i vestii de quand sèri penènn
i
ne vànn e i ne vègnen cun’t el büceer del vènn…
E
la candela la sta mai ferma e la se möev cum’è la memoria
anca
el ràgn söe la balaüstra ricama el quadru de la sua storia
la
ragnatela di mè pensee la ciapà tütt quèll che rüa scià
ma
tanti voolt la g’ha troppi böcc e l’è tüta de rammendà…
La
finestra la sbàtt i all, ma la sa che po’ mea nà via
e
i stèll g’hann la facia lüstra cumè i öcc de la nustalgìa
in
questa stanza senza nissöen, vàrdi luntàn e se vedi in facia
in questa stanza de un òltru teemp, i mè fantasmi làssen la traccia…
