CICERENELLA

Cicerenella teneva nu’ gallo

tutta la notte ‘nce jeva a cavallo

essa ‘nce jeva po senza la sella

e chisto è lu gallo de Cicerenella

Cicerenella mì si bbona e bella

Cicerenella treneva a’ gallina

faceva ll’ove sera e matina

ll’eva ‘mparata a magnà farinella

e chesta è gallina de Cicerenella

Cicerenella mì si bbona e bella

Cicerenella teneve na’ votta

metteva da coppa e asceva pe’ sotto

Mma nun teneva tumpagna e cannella

e chesta è la votta de Cicerenella

Cicerenella mì si bbona e bella

Cicerenella teneva nu culo

ca pareva nu cufenaturo

e ll’ammustrava la notte alli stelle

e chisto è lu culo de Cicerenella

Cicerenella mì si bbona e bella

Cicerenella teneva na vacca

aizava la cora e mustrava la ‘ntacca

essa po’ aizava la soja gonnella

e chesta è la ‘ntacca de Cicerenella

Cicerenella mì si bbona e bella

Cicerenella teneva o’ palammeto

o cuorpo a tte a’ capa a mammeta

pure soreta n’avette na fella

e chisto è o’ palammeto de Cicerenella

Cicerenella mì si bbona e bella

Cicerenella teneva o’ marvizzo

o tuojo è muscio e o’ mio s’arrizza

e comme arrizza bbello

e chisto è o’ marvizzo de Cicerenella

Cicerenella mì si bbona e bella

Cicerenella s’aizava e matina

pigliava li pisci dint’ o mantesino

uno fujette pe ssotto a’ gonnella

e chisto è lu pisci de Cicerenella

Cicerenella mì si bbona e bella