Lu rusciu de lu mare
Na sera me ne ia pe le padure
‘ntisi le ranocchiule cantare.
A una a una le sentia cantare
ca me pariane lu rusciu de lu mare.
Lu rusciu de lu mare è mutu e forte
la figlia de lu rre se ‘nda alla morte.
Idda se ‘nda alla morte e ieu alla vita
la figlia de lu re sta se mmarrita.
Idda sta se mmarita e ieu me ‘nzuru
la figlia de lu re me da nu fiuru.
Idda me da nu fiure e ieu na palma
la figlia de lu re se ‘nda alla Spagna.
Idda se ‘nda alla Spagna e ieu in Turchia
la figlia de lu re è la zita mia.
E vola vola vola palomma vola
e vola vola vola palomma mia.
E’ meo lu core meo, è meo lu core meo
è meo lu core meo te l’aggiu dare.