SALARATU DDIU
Na matina,
sulu sulu,
camminavu ppa campagna;
passu passu mmi truvai
supra na muntagna
e vaddannu
tuttu 'ntorno
dissi, a vuci fotti:
"SALARATU DDIU"
e taliannu
l'acceddi ca vulavunu,
l'alvuli cchi so frutti
tutti di ciuri.
Ddu ciauri
di zaghira e gessuminu
e u ciumi
ca scurreva lentamenti,
isai l'occhi 'ncelu
e dissi, ancora
a vuci fotti:
"QUANTA RAZZIA
ci hai ratu
TU, DIU MIU"
E pinsari
a tutta l'umanità
ca tuttu fà
ppi distruggiri
sta rarità.