SIMPATIA SIRACUSANA
'Ngnornu ma truvai a Siracusa
mi ficiru canusciri na carusa
la talia ccu simpatia
senza mali ppinzeri
bedda naturali!
Ddu uocchi accussi' funnuti
e azzurri comu lu so mari
unni mancu Maiorca cci po arrivari
strincennici dda manu accussi' fina
mmi pariva r'accarizzari la sita
ddi liniamenti ... ddu camminari...
dda vuci cristallina...
pariva na sirena di la so marina
mentri lu ventu l'accarizzava
e cci sciuggheva li bruni capiddi
all'orizzonti na stidda spuntava
e lu mari sbattennu 'nta li scogghi
na musica pariva
luntana..., luntana...,
e riviva... quanto è bedda
sta siracusana!