Tanti po incumentzai - Tanto per cominciare.
Sa primu cosa chi toccada a nai es ca mi praxidi sonai sa ghitarra e mi praxi sa musica sarda puru. No bollu immui contai tottu su contu de cumenti custa cosa es nascia poita no si ollu fai prangi. Cumprendu ca seis genti cun meda sentidu (oghino' no fiais a liggi custa pagina) e si lassu tranquillus senza si contai is fattus mius.
Sa musica sarda, a chi no d'adi mai frequentada cun attenzioni, poi parri cosa facili, sempri uguali, de pagu cumplicatzioni tecnica e culturali ... cumenti po tottu is cosas chi si nanta "folcloristicas". No sciu po su folclori de is atrus, ma su nostu es tott'u antra cosa de "facili" e de "pagu cumplicau". Po imparai a sonai pagu pagu cuncu tipu de musica sarda ci oidi annus meda de allenamentu e toccat a tei bella "origa" e mentallidadi scida e aberta. E' berusu ca sa musica sarda teni certus schemas, ma su sonadori bellu si connoscidi po s'abilidadi in s'improvvisazioni.
Sa musica sarda poi call'esti? Esti una sienda manna fatta de ballus tottu diversus, chi s'assimbillanta tottus ma da una idda a s'atra cambianta (cumenti sa sociedadi de is Sardus chi e' sempri stettia, giai de is nuragicus, fatta da iddas e iddixeddas indipendentis ma tottus ... sardas), de cantus, cussus puru diversus, cumenti su cantu a ghitarra logudoresu o is cantzonis campidanesas. Custu po abarrai a sa musica chi poid'essi sonada o accumpangiada a ghitarra puru. Po chistionai de musica sarda prus antiga (scetti sa boxi, cumenti in su cantu a tenore, o launeddas o sulittu) lassu a genti prus esperta de mei in cussu campu.
Beh .... tanti po incumentzai .... deu s'appa chistionu de cumenti sonai musica sarda cun ghitarras normalis (de cussas chi no funti produsias de cuncun'artigianu apposta po su sonadori). Sa ghitarra poid'essi a cordas metallicas (folk) o classica (a cordas de nylon): sa prima tzaccada de prusu su ritmu i es bella meda po accumpangiai ballus o po su cantu logudoresu e si sona giai sempri a pennetta (su pletru); s'atra si sonat a arpeggiu chen'e pennetta i es mellus candu si sonada assous prus de tottu po su ballu sardu.
La prima cosa da dire e' che mi piace suonare la chitarra e mi piace anche la musica sarda. Non voglio ora raccontare la storia di come e' nata questa cosa perche' non voglio farvi piangere. Capisco che siete persone di grande sentimento (altrimenti non sareste qui a leggere questa pagina) e vi lascio tranquilli senza raccontarvi i fatti miei.
la musica sarda, a chi non l'ha frequentata con attenzione, puo' sembrare una cosa facile, sempre uguale, scarsamente complessa dal punto di vista tecnico e culturale ... come per tutte le cose che si dicono "folcloristiche". Non so per il folclore degli altri, ma il nostro e' tutt'altro che "facile" e "poco complicato". Per imparare a suonare un pochino qualche tipo di musica sarda ci vogliono molti anni di esercizio e bisogna avere buon "orecchio" e mentalita' sveglia e aperta. E' vero che la musica sarda ha certi schemi, ma il buon suonatore si riconosce per l'abilita' nell'improvvisazione.
E poi qual'e' la musica sarda? E' un grande patrimonio fatto di balli tutti diversi, che si somigliano ma cambiano da un paese all'altro (come la societa' dei Sardi che e' sempre stata, gia' dai nuragici, fatta da paesi e paesetti indipendenti ma tutti ... sardi), di canti, anch'essi diversi, come il canto a chitarra logudorese o le canzoni campidanesi. Questo per rimanere nel campo della musica che puo' essere suonata o anche accompagnata con la chitarra. Per parlare di musica sarda piu' antica (solo la voce, come nel canto a tenore, o gli antichi strumenti a fiato) rimando a chi e' piu' esperto di me in quel campo.
Beh .... per iniziare .... vi parlero' di come suonare musica sarda con chitarre normali (di quelle che non sono prodotte da qualche artigiano apposta per il suonatore). La chitarra puo' essere a corde metalliche (folk) o classica (a corde di nylon): con la prima si puo' marcare meglio il ritmo ed e' molto adatta per accompagnare balli o per il canto logudorese e si suona quasi sempre con la pennina (il pletro); l'altra si arpeggia senza pennina ed e' meglio quando si suona da solisti soprattutto per il ballo sardo.

|| Furria a domu - Home || Liburu de is visitadoris - Guestbook || Scri - Scrivi || Torra assusu - Torna su || Torr'ago' - Back ||