A Giovanna Li Volti Guzzardi di Mario Cavallo   Ligghiennu ‘nmienzu e righi do giurnali nu nnomu ca iu già lu canuscia mi vinni subbitu la nustalgia da terra ca mi resa lu natali.   Pinzai a Li  Volt’i rimunnaturi o paricu do Cuccu amicu miu Guzzardi ci ciama m’a zziu Turi ca l’Australia pur’ iddu si ni jiu   E no legghiri la to poesia ca ti puorti sutt’ascidda u stivali viru ca comu a mia si tali e quali attaccata alla terra natia   e m’hai fattu viniri a vulintà di mannariti una di la mia ca didicai alla nostra città famusa suli p’a cavallaria   ca ppi furtuna Verga a fici ddà pigghiannu di Santuzza a gilusia di Turiddu lu fuocu di l’amuri di Lola tutta la civetteria   e di Alfiu l’orgogliu ppi l’anuri ca ci manna lu sancu allu cirbieddu tantu da mettiri man’ò cutieddu e sputtusa la panza a cumpà Turi   ‘nmienz’è ficurinia da cunzaria ppì lavari ccu lu sancu l’offesa picchì ci avia adurnatu la casa. Ccussì cammà Santuzza ci ricia   p’a rabbia ca ci avia ccu so mugghieri c’a notti s’a facia cu cumpà Turi quannu iddu furriava ppi li feri purtannuci vistini e mmaccaturi.   Mentr’idda a notti li viria passari darreri e lastri e muria di duluri quannu lu gghiommu ci viria ‘nnacari u cori forti ci battia d’amuri,   ma mai si putia ‘n magginari ca cumpà Jaffiu ppi ddi du palori subbito a Turiddu ja a sfidari e ci tirava i vuredda di fori,   facennu spavintari u vicinatu lassannu Santa e Lola a bucca asciutta Turiddu muortu e iddu carzaratu e ppi Bizzini la Pasqua cchiù brutta.   Vistu ca tutti rui ora scriviemmu nnà la stessa rivista culturali vulia sapiri ssi ni canusciemmu e ssi nni vistimu a Pasqua o Natali   o ppi la festa di San Giuvanni ‘nmienzu a tuttu chiddu va e bena da criesia i San Mastianu fin’o tunnu c’avvoti nun valia mancu la pena   di passari dda nmienzu stritti stritti spunticannu ‘n pugniddu di simenza ca sirvia cchiù ppi dàlla all’amici ca spissu e vulinteri erinu senza.   Di carusi si circava la zzita c’allura si putia sulu taliari o faricci na nzinca cu li ita senza all’autri fari addunari.   Chi beddi tiempi m’hai fattu riurdari nno n’attimu chiddu c’hai scrittu tu ligghiennuti ti viria di vulari supra ‘a Bizzini’ u paisi di nostra                                        [giovintù.